Joseph Brodsky

Joseph Aleksandrovitx Brodsky (, ahoskatua; San Petersburgo, 1940ko maiatzaren 24a - New York, 1996ko urtarrilaren 28a) errusiar jatorriko estatubatuar poeta izan zen.

Lehenengo poemak inguru intelektualetan argitaratu zituen, baina haren poesia, iraultzailea ez bazen ere, agintariek kanon ofizialetatik urrunegi zegoela iritzita, bost urteko erbestealdira kondenatu zuten. Brodskyk errealismo sozialistatik urrun bilatu zituen bere ereduak; lan neoklasikoak egin zituen, eta lehentasuna eman zion odari eta elegiari: ''Muinoak eta beste poema batzuk'' (1966), ''Geldialdi bat basamortuan ''(1970). 1972an Estatu Batuetara joan zen, eta hango hainbat unibertsitatetan aritu zen irakasle. Ama-hizkuntzan idatzi zituen erbestealdiaren oinazeak: ''Aldi eder baten amaiera'' (1976), ''Diskurtsuaren atalak ''(1977). 1983an, ''Ahapaldi berriak Augustan'' (1983) argitaratu zuen, eta 1987an, ''Uranio''. 1987an, Literaturako Nobel Saria eman zioten. Wikipediatik informazioa lortu