Maurice Barrès

Awdur a gwleidydd o Ffrainc oedd Maurice Barrès (19 Awst 1862 – 5 Rhagfyr 1923).

Ganed ef yn Charmes yn ''département'' Vosges. Addysgwyd ef yn Nancy, mewn ''lycée'' ac yna'r brifysgol. Symudodd i ddinas Paris yn 1882, lle sefydlodd gylchgrawn ''Les Taches d'Encre'' yn 1884. Daeth yn adnabyddus pan gyhoeddwyd tair cyfrol o nofelau hunagofiannol ''Le Culte du moi'' rhwng 1888 a 1891. Etholwyd ef yn aelod o'r Académie française yn 1906.

Roedd hefyd yn amlwg yn wleidyddol, gan roi pwyslais ar genedlaetholdeb Ffrengig. Gwrthwynebai'r duedd i or-ganoli (a gynrychiolid gan ddinas Paris) gan ddadlau fod y genedl wedi ei ffurfio o deuluoedd, pentrefi a rhanbarthau, a bod gwarchod hunaniaeth y rhain yn bwysig. Etholwyd ef i'r senedd dros ran o Baris yn 1906. Bu'n cydweithio gyda Charles Maurras, sefydlydd yr Action française, ond yn wahanol iddynt hwy, nid oedd Barrès o blaid brenhiniaeth. Darparwyd gan Wikipedia